"Azərbaycan bizimlə və ya bizsiz mütləq azad olacaq" — Cənubi Azərbaycanın milli lideri

HADİSƏ 18 sen 2019, 20:15

Cənubi Azərbaycan mili hərəkatının liderlərindən biri olan Abbas Lisani Ərdəbil şəhərində keçirilən apelyasiya məhkəməsində İrandakı milli ayrı-seçkilik siyasətinin 100 ildən bəri davam etdiyini gündəmə gətirərək prokurora və məhkəmə sədrinə ağır ittihamlar yönəldib.


Demokrat.az-ın məlumatına görə, Ərdəbil inqilab məhkəməsinin 1-ci şöbəsində Abbas Lisaninin vəkillərininin verdiyi şikayət ərizəsinə baxılarkən şəhərin yeni prokuroru Lisaniyə daha əvvəl verilən 8 illik həbs cəzasının artırılmasını tələb edib.


Məhkəmənin son söz verdiyi Abbas Lisani deyib:


"Hökm ömür boyu və hətta edam da olsa, öz fikirlərimdən zərrə qədər də vaz keçmərəm. Əgər həqiqətən ədalətiniz varsa,bu qapıları açın, xalq və dünya bu məhkəməni görsün. Azərbaycan milli hərəkatı göbələk kimi yerdən çıxmayıb. Ən azı 1 əsrdən bəri Türk millətinə qarşı həyata keçirilən zülmün və ayrı-seçkiliklərin nəticəsində meydana çıxıb. Buna görə hər bir Azərbaycan Türkü bu ayrı-seçkiliyə öz reaksiyasını demokratik yollardan göstərməkdə tamamilə haqlıdır. Azərbaycan bizimlə və ya bizsiz mütləq azad olacaqdır".


Appelyasiya məhkəməsi hökmün oxunacağına dair hər hansı tarix elan etməyib.


Abbas Lisani milli ideyaları müdafiə etdiyinə görə, İran məhkəmələri tərəfindən dəfələrlə həbs cəzasına məhkum edilib.(Turan)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
19 mar 2024, 00:27
Top