"Hazırda Azərbaycanda zəncirvurmaya çox nadir hallarda təsadüf edilir" – Mübariz Qurbanlı

SOSİAL 17 sen 2019, 22:38

"Azərbaycanda Aşura günü keçirilən mərasimlər çox sakit şəraitdə keçib və hər hansı bir qanun pozuntusuna yol verilməyib".


Bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.


O bildirib ki, həm mömin insanlar, həm də məscidlərdə çalışanlar öz üzərinə düşən vəzifələri layiqincə yerinə yetiriblər: “Hər bir vətəndaşımız Aşura günündə sərbəst şəkildə dini mərasimlərdə iştirak etmək imkanı əldə etdilər”.


Dövlət Komitəsinin sədri eyni zamanda bəzi yerlərdə hələ də zəncirvurma hallarının olmasına da münasibət bildirib.


O qeyd edib ki, zəncirvurma hadisələri, adətən, Aşura mərasimi keçirilən ölkələrdə özünü biruzə verir: "Bu, dinimiz tərəfindən də qəbul olunmayan haldır. Ancaq, təəssüf ki, bəzi ölkələrdə biz bunu hələ də görürük. Azərbaycanda 15 il və ya ondan əvvələ nəzər salsaq, o zamanlar belə halların çox olduğunu görərik. Aparılan təbliğat nəticəsində hazırda Azərbaycanda zəncirvurmaya çox nadir hallarda təsadüf edilir. O halların da qarşısı imamların müdaxiləsi ilə dərhal alınıb. Hesab edirik ki, bu hallar da keçmişdən qalan qalıq kimidir və gələcəkdə bu cür hallar tam aradan qalxacaq”. (Report)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top