“Acından ölən” ermənilər Azərbaycanın işğal altındakı Kəlbəcər rayonunun kəndlərini də qazla təmin etməyə başlayıb.
Demokrat.az Moderator.az-a istinadən xəbər verir ki, bu haqda qondarma separatçı-terrorçu rejimin “Artsaxqaz” “qapalı səhmdar cəmiyyəti”nin rəhbəri sayılan Seyran Mikaelyan “5 sentyabr – qaz işçiləri günü” münasibətilə təbrik müraciətində danışıb. Onun sözlərinə görə, inzibati cəhətdən Kəlbəcər rayonuna aid olan “Drmbon” adlandırılmış Heyvalı və “Hetavan” adlandırılmış “Qozlu körpü” kəndlərinə qaz xətti çəkilib. Xocavənd rayonunun “Uxtadzor” adlandırılmış “Edilli” kəndinə qaz çəkilişi üçün işlər görülür. İşğaldan öncə çəkilmiş Hadrut-Tuğ qaz xətti isə yenilənib.
Xatırladaq ki, işğaldan əvvəl Kəlbəcər rayonunun heç bir kəndində qaz olmayıb.
