"Nikol Paşinyanın Ermənistan 2050 – İnkişaf Strategiyası ilə bağlı səsləndirdiyi tezislər heç nəzəri cəhətdən reallaşdıırılması mümkün olmayan təkliflərdir".
Demokrat.az xəbər verir ki, bunu “Ölkə.Az”a açıqlamasında deputat Kamran Bayramov deyib.
Onun sözlərinə görə, Paşinyanın ÜDM-nin həcminin qarşıdakı 30 il ərzində təxminən 15 dəfə artırılması, 1,5 milyon yeni iş yeri açması, əhalinin sayının 5 milyona çatdırılması reallıqdan uzaq ideyalardır.
“Paşinyan bunu ancaq xəyal edə bilər. Lakin reallaşdıra bilməz. Bunun üçün ölkənin iqtisadi və insani resursu imkan vermir. Bu gün iqtisadiyyatı əsasən dağ-mədən sənayesi hesabınadır.
2018-ci ildə Ermənistanın ixrac strukturuna nəzər salsaq, dediklərimizi aydın şəkildə görə bilərik. Belə ki, ötən il Ermənistanın ixrac strukturunun özəyini dağ-mədən sənayesinin xam və yarım-fabrikat malları (23 %), təbii daş-qaş və digər metallar (12,8 %), tütün məmulatları (11,2 %) və içkilər (9,63 %) təşkil edib. Bu da ölkə iqtisadiyyatının primitiv iqtisadi modelə sahib olduğu təsdiq etdiyindən hansısa ciddi uğurlar əldə etməsini qeyri-mümkün edir. Yəni bu yolla ÜDM-ın həcmini 15 dəfə artırmaq və iddialı iqtisadi layihələri reallaşdırmaq mümkün deyil. Bu üçün heç bir iqsadi resurs və potensila mümkün deyil.
Paşinyanın turizmin inkişafı ilə bağlı səsləndirdiyi fikirlərin də elə bir ciddi əsası yoxdur. Ermənistanın nə dənizə çıxışı var, nə də müasir standartlara və böyük turuist cəlb etmək üçün qış-yay turizm mərkəzi yoxdur. Mövcud tursim infrastrukturları ilə deyilən iddiaları reallaşdırmaq xəyaldan başqa bir şey deyil”- deputat bildirib.
Deputat onu da bildirib ki, Dünya Bankı, Beynəlxalq Valyuta Fondu və digər maliyyə və iqtisadi institutlar da Ermənistanın perspektivli iqtisadi inkişafını görmür və bunu öz hesabatlarında qeyd edir.
“Beynəlxalq təşkilatlar da verdiyi proqnozlarda Paşinayanın fikirlərini iqtisadi cəhətdən əsaslanmayan inkişaf konsepsiyası və qısa müddətli dövrə hədəflənmiş populist addım hesab edirlər. Bundan əlavə olaraq BVF-nin proqnozları ilə Ermənistan hökumətinin açıqladığı sənədlər arasında ciddi fərqlər var. Strateji sənəddə 2024-cü ildə ÜDM-nin ümumi həcminin 22 milyard dollar, adambaşına düşən miqdarı isə təxminən 6,6 min dollar olacağı qeyd edilsə də, BVF-nin proqnozlarına əsasən, ÜDM-nin həcmi 17 milyard dollar, adambaşına düşən miqdarı isə 5,7 min dollar təşkil edəcək. İqtisadiyyatın inkişafında digər həlledici indikator hesab edilən ixrac həcminin də gələcəyi sual atındadır. Çünki BVF-nin proqnozlarına əsasən, bu günədək ticarət əməliyyatlarında idxalın ixracdan üstün olması tendensiyası hələ uzun müddət artaraq davam edəcək.
Paşinyan iqtidarı isə ölkənin düşdüyü acınacaqlı durumun baiskarının keçmiş rəhbərlik olduğunu desə də, Ermənistanın yerləşdiyi coğrafi mövqe və apardığı işğalçı xarici siyasətdir. Ən əsası da həyata keçirdiyi işğalçılıq siyasəti və bunun nəticəsində üzləşdiyi iqtisadi blokada nəticəsində ölkənin sosial-iqtisadi həyatına mənfi təsir etməkdədir və bugünədək heç bir ciddi nailiyyət əldə edilməməsinin əsil səbəbi budur”-K.Bayramov bildirib.
