Elmlər Akademiyasının vəzifəli qocaları: Bir çoxu yaşca AMEA-dan böyük imiş

MARAQLI 30 avq 2019, 20:15

Gələn il Azərbaycan Milli Elmlər Akademiyasının (AMEA) 80 illiyi qeyd olunacaq. 


Maraqlıdır ki, Akademiyanın hazırkı prezidenti, geologiya-mineralogiya elmləri doktoru, professor Akif Əlizadə rəhbəri olduğu qurumdan yaşca xeyli böyükdür. 1934-cü il təvəllüdlü Əlizadə, hazırda 85 yaşındadır. 


AMEA-da bir çox mühüm vəzifə tutanların da yaşı ya 80-ə yaxındır, ya da 80-i çoxdan ötüb. 


Qaynarinfo-nun araşdırmasına görə, onların arasında  geologiya-mineralogiya üzrə elmlər doktoru və professor, AMEA-nın vitse-prezidenti və Neft-Qaz İnstitutunun direktoru İbrahim Quliyev də var. O, 1947-ci il təvəllüdlüdür və 72 yaşını bu ilin mayında tamamlayıb. 


Digər vitse-prezident Tofiq Nağıyev isə kimya elmləri doktorudur. O, hazırda 78 yaşındadır. Nağıyev eyni zamanda Akademiyanın nəzdindəki "Azərbaycan Milli Ensiklopediyası" Elmi Mərkəzinin direktorudur.  


AMEA-nın İdarə Heyəti üzvlərindən kimya elmləri doktoru Vaqif Fərzəliyev eyni zamanda akademik Ə.Quliyev adına Aşqarlar Kimyası İnstitutunun direktoru və Kimya Elmləri Bölməsinin akademik-katibidir. Onun bu il 80 yaşı tamam olub. 


AMEA-nın müşavirlərindən biologiya elmləri doktoru, professor Urxan Ələkbərov 76 yaşındadır. 


Biologiya elmləri doktoru olan digər müşavir Qərib Məmmədovun 72 yaşı var. 


AMEA Fizika İnstitutunun Molekulyar spektroskopiya laboratoriyasının rəhbəri Çingiz Qacar 1929-cu il təvəllüdlüdür və bu il 90 yaşını qeyd edir. 


AMEA Fizika İnstitutunda  baş elmi işçi olan Firidun Haşımzadənin 84 yaşı var. 


Milli Elmlər Akademiyasının yaşlı vəzifə sahibləri arasında: Kimya elmləri bölməsinin 79 yaşlı akademik-katibi, şöbə müdiri və laboratoriya müdiri kimi vəzifələr də tutan Ağadadaş Əliyev, eyni bölmənin büro üzvü və Sintetik yağlar laboratoriyasının 95 yaşlı müdiri Məhərrəm Məmmədyarov, Tarix İnstitutunun direktoru, 80 yaşlı Yaqub Mahmudov, Akademiyanın İctimai elmlər bölməsinin elmi katibi, eyni zamanda Arxeologiya və Etnoqrafiya İnstitutunun şöbə müdiri olan 91 yaşlı Teymur Bünyadov, İqtisadiyyat İnstitutunun 79 yaşlı şöbə müdiri Şahbaz Muradov və digərləri də var. 


Demokrat.az

DİGƏR XƏBƏRLƏR

XƏBƏR LENTİ
Top