Azərsun Holdinqin inşa etdirdiyi Masazır Duz Zavodunun əsas xammal mənbəyi sayılan Mazasır gölü ekoloji fəlakətlə üzləşib.
Bu barədə Demokrat.az-a Masazır sakinləri müraciət ediblər.
Sakinlər qeyd edir ki, hazırda Masazır gölü ətrafında yerləşən bahalı villaların kanalizasiya tullantıları sözügedən mənbəyə axıdılır.
Sakinlər bildirir ki, Azərsun Holdinqə məxsus olan "Bizim duz" və "Azərduz" markaları məhz bu göldən toplanılan duzlardan hazırlanır.
Məsələ ilə bağlı Azərsun Holdinqlə telefon əlaqəsi saxlasaq da, cəhdlərimiz alınmadı.
Qeyd edək ki, "Kanal13" internet televiziyası sözügedən ərazidə araşdırma aparıb. Həmin araşdırmanın görüntülərini təqdim edirik:
