Ukrayna Prezidenti Vladimir Zelenski bir sıra ölkələrlə viza rejimini ləğv etmək niyyətindədir.
Prezident bu barədə Ukraynada səhiyyə turizminin inkişafı ilə bağlı keçirilən müşavirədə deyib.
“Biz vətəndaşları müalicə almaq üçün tez-tez Ukraynaya gələn ölkələrin siyahısını hazırlamalı və onu Xarici İşlər Nazirliyinə təqdim etməliyik. Xüsusilə bunu sərhədi keçərkən maneələrlə üzləşən xarici ölkə vətəndaşları üçün etməliyik”, - Zelenski deyib.
Prezident söhbətin hansı ölkələrdən getdiyini açıqlamayıb.(Virtualaz.org)
