Bu gün Milli Mətbuat Günüdür. Bəs milli mətbuatımızın mövcud durumu, peşəkarlıq səviyyəsi nə dərəcədə qənaətbəxşdir.
Media ilə ən çox işləyən millət vəkillərindən Fazil Mustafa Moderator.az-a açıqlamasında bu sahədə vəziyyətin o qədər də ürəkaçan olmadığını qeyd etdi:
“Bu məsələdə ümumiləşdirmə aparmaq olmaz. Çox az sayda saytlar və ya jurnalistlər var ki, onların peşəkarlığını kölgə altına almaq olmaz. Amma bu, çoxluq deyil. Mətbuatın böyük əksəriyyəti peşəkarlıq nöqteyi-nəzəridən axsayır. Hesab edirəm ki, buna səbəb normal təhsil və hazırlığın olmamasıdır. Bütövlükdə ölkəmizdə ideal mətbuat haqqında düşünə bilmərik. Hər-halda bu mövcudluğun özünün də normal qəbul etməliyik. Kömək etməliyik ki, mətbuat inkişaf etsin. Mətbuat siyasətçilərin başlıca tribunasıdır. Bu tribunada daha analitik bir düşüncəni gündəmə gətirmək lazımdır ki, bu, mətbuatın inkişafına fayda verə bilsin”.
