Sevdiyi qıza görə özünü asdı — Xaçmazdakı intiharın təfərrüatı

KRİMİNAL 20 iyl 2019, 11:58

Xaçmazda intihar hadisəsi baş verib.


Demokrat.az qafqazinfo-ya istinadən xəbər verir ki, hadisə iyulun 18-də Nərəcan kəndində qeydə alınıb.


Belə ki, 1994-cü il təvəllüdlü Səfərov Mahir Nəbi oğlu özünü asaraq intihar edib.


Əldə etdiyimiz məlumata görə, Mahir sevdiyi qıza görə canına qəsd edib. Belə ki, imkansız ailənin övladı olan Mahirin ailəsi oğullarının sevdiyi qıza elçi getməsinə razı olmayıblar. Buna görə də 25 yaşlı gənc özünü asıb.


Hadisə baş verməmişdən öncə Mahirin sevdiyi qız onun anasına zəng edərək, oğlanın özünə nəsə edəcəyindən qorxduğunu bildirib. Zəngdən çox keçməyib ki, Mahir özünü asıb. Yaxınları mərhumu ipdən asılmış halda aşkarlayıblar. Bu zaman 25 yaşlı gənc çoxdan keçinmiş olub.


Qeyd edək ki, Mahir Səfərovun qardaşının hərbi xidmətdə olduğu bildirilir. Yaxınlarının verdiyi məlumata görə, Səfərovun əsgər qardaşı hadisədən xəbərsizdir.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top