“Nəsimi-650 Diaspor Gənclərinin II Yay Düşərgəsi”nə start verilib.
Demokrat.az xəbər verir ki, Şamaxı Rayon Mədəniyyət Mərkəzində düşərgənin təntənəli açılışı olub. Diasporla İş üzrə Dövlət Komitəsinin sədri Fuad Muradov çıxışında Diaspor Gənclərinin Yay Düşərgəsinin ikinci ildir ki, təşkil olunduğunu və xaricdə yaşayan onlarla azərbaycanlının məhz bu irimiqyaslı layihə çərçivəsində doğma vətəninə gəldiyini diqqətə çatdırıb. Komitə sədri düşərgənin mahiyyəti, dövlətin diaspor siyasətində bu layihənin yeri və eyni zamanda layihənin hədəfləri barədə ətraflı məlumat verib, iştirakçılara uğurlar arzulayıb.
Mərasim bədii hissə ilə davam edib. Musiqili proqramda milli musiqilərimiz, estrada mahnıları ifa olunub, Nəsiminin şeirlərinin əyləncəli formada təqdimatı olub.
