İrəvandan Türkiyəyə təyyarə reysinin açılmasına AKP-dən İLK REAKSİYA (EKSKLÜZİV)

GÜNDƏM 13 iyn 2019, 13:27

Türkiyənin hakim Ədalət və İnkişaf Partiyasının (AKP) xarici əlaqələr üzrə sədr müavini, sabiq deputat Mehmet Ceylan bir neçə gün öncə İrəvandan Türkiyənin Van şəhərinə təyyarə reysinin baş tutmasına və Qarabağda separatçı erməni rejimi tərəfindən təşkil olunan "ümumerməni oyunları"nın məşəlinin Türkiyədə yandırılması məsələlərinə münasibət bildirib. 


Mehmet Ceylan Demokrat.az-a eksklüziv açıqlamasında deyib ki, Türkiyə bölgədə sülh və təhlükəsizliyin daimi olmasına tərəfdardır:


"Təbii ki, AKP olaraq biz bu cür təxribatları xoş qarşılamırıq. Biz Türkiyə olaraq bölgədə sülhdən yanayıq. Bölgədə baş verən hadisələr fonunda bir normallaşma gözlədiyimiz halda regionda gərginliyi artıracaq təxribatlardan tərəflərin qaçmasını istəyirik. Ona görə də bu cür təxribatları xoş qarşılamadığımızı ifadə etmək istəyirəm. Bu məsələ ilə bağlı geniş məlumatlara sahib deyiləm. Vana təyyarə uçuşunun həyata keçirilməsi ilə bağlı da hər hansı məlumatım yoxdur. Ona görə də bu məsələ ilə bağlı əlavə fikir söyləyə bilmərəm".


AKP rəsmisi bir neçə gün öncə təmas xəttində şəhid olan Azərbaycan Silahlı Qüvvələrinin hərbiçilərilə bağlı da ölkəmizə başsağlığı verib:


"Bir neçə gün öncə Azərbaycanın 2 hərbiçisi şəhid olub. Mən bununla bağlı Azərbaycan xalqına başsağlığı vermək istəyirəm. Allah Azərbaycan şəhidlərinə rəhmət etsin". 

 


Xatırladaq ki, Türkiyə ilə Ermənistan dövlətləri arasında daha bir ilkə imza atılıb. 


Ötən həftə tarixdə ilk dəfə olaraq Ermənistanın paytaxı İrəvandan Türkiyənin Van şəhərinə təyyarə reysi baş tutub. 


Bu barədə məlumatı "Hraparak" erməni qəzeti yayıb.

 

Görüntünün olası içeriği: 3 kişi, ayakta duran insanlar ve iç mekan


Məlumata görə, 35 dəqiqə davam edən uçuş Gürcüstan hava yollarına aid sərnişin təyyarəsilə reallaşıb. 


Təyyarədə olan erməni sərnişinlər Türkiyənin Van şəhərində bələdiyyə sədri və HDP-li şəxslər tərəfindən yüksək səviyyədə qarşılanıblar.   


Keçirilən görüşlərdə bildirilib ki, İrəvan-Van təyyarə reyslərinin mütəmadi həyata keçirilməsi nəzərdə tutulur. 

 


Zaur Hacılı
Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top