Bu gün Bakı Olimpiya stadionunda UEFA Avropa Liqasının final oyunu keçiriləcək.
Demokrat.Az xəbər verir ki, həlledici görüşdə Londonun iki klubu - "Çelsi" və "Arsenal" üz-üzə gələcək.
Matç Bakı vaxtı ilə saat 23:00-da başlayacaq və oyunu italiyalı FİFA referisi Canluka Rokki idarə edəcək.
Oyun "Arsenal" üçün daha böyük əhəmiyyət kəsb edir. Belə ki, Premyer Liqanı 5-cı sırada bitirən "topçular" bugünkü matçı qazansa, gələn mövsüm UEFA Çempionlar Liqasına qatılacaq. Bundan savayı, "Arsenal"ın rəqibindən fərqli olaraq, Avrokuboklarda şansı gətirmir. Belə ki, 2000-ci ildə UEFA kubokunun finalında penaltilərlə "Qalatasaray"a uduzan klub, 2006-cı ildə UEFA Çempionlar Liqasının həlledici görüşündə "Barselona"ya 1:2 hesabı ilə məğlub olmuşdu. Komanda, 1999-cu ilədək mövcud olmuş UEFA Kuboklar Kubokunda üç dəfə final oynasa da, cəmi bir dəfə bu turnirin qalibi kimi tanınır. 1993-1994-cü il mövsümündə İtaliyanın "Parma" klubuna minimal hesabla qalib gələn "topçular", UEFA Kuboklar Kubokunu qazana bilmişdi.
Rəqibindən fərqli olaraq "Çelsi" 2011-2012-ci illər mövsümündə UEFA Çempionlar Liqasının qalibi olub. Cəmi bir il sonra UEFA Avropa Liqası kubokunu başı üzərinə qaldırıb. Hələ bu yarış UEFA Kuboku adı ilə tanınan zaman 1970–71 və1997–1998-ci illərdə iki dəfə turnirin qalibi adını qazanıb. Lakin bununla belə, "Çelsi" mövsümü titulla bitirmək üçün əla imkan əldə edib və klub bunu dəyərləndirməyin fərqinə varmaqdadır.
Demokrat.Az