Milli Məclisin deputatı Vahid Əhmədov bu il də ənənəsinə uyğun olaraq seçildiyi Quba rayonunda fəaliyyət göstərən beş məscid və doğulduğu Qonaqkənd qəsəbəsində müqəddəs Orucluq bayramı münasibəti ilə iftar süfrələri təşkil edib.
Demokrat.az xəbər verir ki, tədbirlərdə Qarabağ müharibəsi iştirakçıları, imkansız ailələr, ağsaqqallar və ictimaiyyət nümayəndələri iştirak ediblər.
Bütün iftar mərasimlərində dini icmalarin rəhbərləri tərəfindən Qurani-Kərimdən ayələr oxunub, Ramazan ayının həmrəylik, dostluq, qardaşlıq, sevgi, ruzi-bərəkət və mərhəmət ayı olduğu vurğulanıb.
Ölkəmizdə sabitlik, davamlı inkişaf, birlik və tolerantlığın hökm sürməsinin ölkə rəhbərliyinin müdrik siyasəti nətıcəsində mümkün olduğu qeyd edilib. İftar süfrələrinin iştirakçıları belə tədbirlərin təşkil olunmasında əməyi olan hər bir şəxsə öz minnətdarlığını bildiriblər.
Gözəl ənənəyə çevrilən iftar süfrələrinin təşkilinin cəmiyyətimizin vahidliyinin, ümumi amallar naminə ölkəmizdə dövlətlə din arasında sıx birliyin bariz nümunəsi kimi qiymətləndirilmiş və deputatın Ramazan bayramı münasıbəti ilə təbriki bütün rayon sakinlərinə çatdırılıb.
