ABŞ-ın Boston şəhərindəki heyvanxanada maraqlı hadisə baş verib. Erkək anakondalarla kontaktda olmayan dişi anakondanın balası olub.
Demokrat.az xəbər verir ki, bu barədə Daily Mirror məlumat yayıb.
Anna adı verilən dişi anakonda akvariumda saxlanılırdı. Onun balalarından yalnız ikisinin sağ qaldığı bildirilir.
Mütəxəssislərin bildirdiyinə görə, ilan partenogenez çoxalma forması ilə balalayıb. DNT analizi mütəxəssislərin fikrini təsdiqləyib. Bala anakondalar analarının genetikası ilə eyniyyət təşkil edib. Bu hal bu günə qədər anakondalarda mövcud olan ikinci partenogenez hadisəsidir.
Anakondalar uzunluğu 5 metrə çatan zəhərsiz ilanlardır.Onlar yumurta qoymur, 6-7 ay hamiləlik müddətindən sonra 28-48 bala doğurlar.
2002-ci ildə akvariumda saxlanılan akula da analoji üsulla bala vermişdi.
