Birləşmiş Ştatların dövlət katibi Mayk Pompeo Moskvaya səfərini ləğv edib.
Bu barədə "Report" AFP-yə istinadən xəbər verir.
Bildirilir ki, ABŞ Dövlət Departamentinin başçısı Rusiya paytaxtına gəlməyəcək. Bununla belə o, əvvəlki kimi Soçidə Rusiya lideri Vladimir Putinlə görüş keçirməyi planlaşdırır.
Məlumata görə, Pompeo bu gün Brüsselə yola düşməyə qərar verib. O, Avropa liderləri ilə İrandakı vəziyyəti müzakirə edəcək.
