"Liverpul"un hücumçusu Məhəmməd Salah "Barselona"ya qarşı cavab oyununda meydana çıxmayacaq.
Bu barədə "qırmızılar"ın baş məşqçisi Yurqen Klopp məlumat verib:
"Salah sabah oynamayacaq. Vəziyyəti yaxşı olsa da, meydana çıxmayacaq".
Misirli futbolçu "Nyukasl"la oyunda qapıçı Martin Dubravka ilə toqquşmadan sonra meydanı xərəkdə tərk etməli olmuşdu.
Salahla yanaşı, qasığından zədə alan Roberto Firmino da komandasına kömək edə bilməyəcək.
"Liverpul" - "Barselona" matçı sabah Bakı vaxtı ilə saat 23:00-da start götürəcək.
