Bakıda müəllimə həbs edilməmək üçün soyadını dəyişdi

Bir müddət əvvəl dələduzluq əməlinə görə həbs edilmiş orta məktəb müəlliməsi Əsədova Validə Əsəd qızı Ali Məhkəməyə müraciət edib.

 

Bakı Ağır Cinayətlər Məhkəməsində Cinayət Məcəlləsinin 178.3.2-ci, yəni, külli miqdarda zərər vurmaqla dələduzluq əməli törətməkdə təqsirli bilinərək 8 il müddətinə həbs edilən V.Əsədova apelyasiya instansiyasından sonra kasasiya şikayəti verib. O, günahsız olduğunu, işə düzgün baxılmadığını və barəsində bəraət hökmünün verilməsini xahiş edib. 


İşə Ali Məhkəmədə hakim Fərhad Kərimovun sədrliyi ilə baxılacaq.

 

Qeyd edək ki, Bakının Binəqədi rayon sakini Validə Əsəd qızı Əbilova özgənin əmlakını ələ keçirmək məqsədi ilə Nərimanov rayonu, Fətəli xan Xoyski küçəsi, 9 ünvanında yerləşən "Caspian Shop” Ticarət Mərkəzində qızıl-zinət əşyalarının satışı ilə məşğul olan Məharət İzzətəli oglu İsmayılov, Leyla Hüseyn qızı Hüseynova, Samirə Səxavət qızı Bağırova, Əbil Cəmil oğlu Əbilov, İlham Qiyas oğlu İbişova qarşı dələduzluq etməkdə təqsirləndirilib.

 

O, 2014-cü il sentyabrın 26-da həmin şəxslərin etibarından sui-istifadə etməklə küllü miqdarda qızıl-zinət əşyalarını ələ keçirib. Bir müddət sonra şikayətçilər Nərimanov Rayon Polis İdarəsinə V.Əbilova barəsində şikayət ediblər. V.Əbilov zərərçəkmişlərdən gizlənmək və istintaqdan yayınmaq üçün soyadını dəyişib və Əsədova soyadını götürüb. Buna baxmayaraq, rayon hüquq-mühafizə orqanları onu saxlayaraq istintaqa cəlb ediblər.

 

O, Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham olunub.

 

V.Əsədova Bakı Ağır Cinayətlər Məhkəməsinin hökmü ilə 8 il müddətinə azadlıqdan məhrum edilib.

 

Xatırladaq ki, V.Əsədova 276 saylı məktəb-liseydə müəllimə işləyib. (News24.az)
 

 

 

Demokrat.Az

 

 

 

2 May 2019, 14:12   
loading...
Ən çox izlənənlər
Xəbərlər
SON XƏBƏRLƏR

Ən son xəbərləri səhifəmizdən də izləyin