"Kontinental Hokkey Liqasına ev sahibliyi etmək maraqlı olardı" – Azad Rəhimov

GÜNDƏM 27 apr 2019, 23:19

Gənclər və İdman naziri Azad Rəhimov Azərbaycanda Kontinental Hokkey Liqası (KHL) səviyyəsində klubun yaradılmasına dair fikirlərini bölüşüb.

 

“Report” “Matchtv.ru” saytına istinadən xəbər verir ki, o, buz idmanları ilə bağlı hər şeyin ölkə üçün ümidverici sayıldığını bildirib.

 

Nazir məktəbdə oxuduğu müddətdə hokkeyi xoşladığını, indi isə belə yarışları az izlədiyini söyləyib.

 

Rəhimov KHL-i Azərbaycana gətirmək istərdinizmi? sualına isə belə cavab verib: “Təbii ki, biz bu istiqamətdə hərəkət etməyə başlasaq, böyük bir buz sarayının qurulmasından sonra Bakıda KHL oyunlarına ev sahibliyi etmək maraqlı olardı. Biz idman ölkəsiyik və buna görə maraqlanmayacağımız idman yoxdur. Hokkey həqiqətən gəncləri həyəcanlandırır”.

 

Nazir son olaraq Azərbaycanın KHL klubunun yaradılmasında çox maraqlı olduğunu vurğulayıb: “Ən azından KHL-in bir final matçını Bakıda keçirmək olar”.

 

 

Demokrat.Az

 

 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top