Amerikanın Kolorado ştatı da işğalçı və separatçı ermənilərə qahmar çıxanların siyahısına qoşulub.
Moderator.az xəbər verir ki, Xankəndindəki separatçı erməni nəşrlərinin yaydığı məlumata görə, Kolorado ştatının Nümayəndələr Palatası aprelin 24-də qondarma və saxta “erməni soyqırımı”nı pisləyən qətnamə qəbul edib. Sənədə əsasən, bundan sonra hər il 24 aprel ştat ərazisində qondarma "erməni soyqırımı" "qurbanları"nın "xatirə" günü kmi qeyd ediləcək.
Sözügedən qətnaməyə Azərbaycanın işğal altındakı torpaqlarında qondarılmış separatçı-terrorçu rejimin “müstəqilliyi”ni tanıyan maddə də daxil edilib. Sənəddə, həmçinin, guya 1997-2006-cı illər ərzində Azərbaycanın Naxçıvan ərazisində "erməni abidələrinə qarşı mədəni soyqırım aparılması" böhtanı da atılır.
