Azərbaycan Güləş Federasiyasının prezidenti əvəzi Namiq Əliyev güləşçilərə media ilə bağlı qadağa qoyub.
Sözügedən Federasiyanın mətbuat katibi Sərxan Musalı Demokrat.az-a bildirib ki, bu barədə rəhbərliyin tapşırığı var.
Azərbaycan Güləş Federasiyasının vitse-prezidenti Firdovsi Umudovla müsahibə almaq üçün Sərxan Musalı ilə əlaqə saxlasaq da, o, vitse-prezidentin müsahibə verməsinin hələlik mümkün olmadığını söyləyib:
"Ötən gün bununla bağlı iclas keçirilib. İclas zamanı rəhbərliyin qəti tapşırığı olub ki, Federasiyadan mediaya müsahibələr hələ ki, dayandırılsın. Bu, rəhbərliyin tapşırığıdır. Ona görə də Firdovsi müəllimin müsahibə verib-verməməsi barədə gərək rəhbərliklə razılaşdırılsın".
Zaur Hacılı
Demokrat.az
