"Azərbaycan Vəkillər Kollegiyasına qəbulda məhdudiyyət yoxdur" — Sədr Anar Bağırov

SİYASƏT 13 apr 2019, 09:28

"Azərbaycanda hazırda 1503 nəfər vəkil fəaliyyət göstərir". 


Demokrat.Az xəbər verir ki, bu barədə Trend-ə açıqlamasında Azərbaycan Vəkillər Kollegiyasının sədri Anar Bağırov deyib.


Onun sözlərinə görə, kollegiya Azərbaycanda vəkillərin sayının artırılması ilə bağlı tədbirlərini davam etdirir:


“Ötən ilin dekabr ayında vəkilliyə sənəd verən şəxslərdən 106 nəfər yazılı imtahanlardan uğurla keçib. Hazırda müsahibə mərhələsi davam edir. Ümid edirəm ki, may ayına kimi proses yekunlaşacaq və ikinci mərhələdən uğurla keçən namizədlər kollegiyaya üzv qəbul olunacaqlar”.


A.Bağırov bildirib ki, kollegiyada bir müddət əvvəl test imtahanı keçirilib: “171 nəfər namizəd artıq bu ilki imtahandan uğurla keçib və onlar da yaxın gələcəkdə müsahibəyə cəlb olunacaqlar. Hazırda sənəd qəbulu davam edir. Artıq 70 nəfərə yaxın sənədi qəbul edilib. Proses bundan sonra da davam edəcək, çünki bizdə limit yoxdur. Kollegiyaya qəbulda məhdudiyyət yoxdur”.

 

 

Demokrat.Az

 

 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top