“Hadisələrin azalması gələcəkdə baş verməyəcəklərinə zəmanət vermir”.
Ordu.az xəbər verir ki, politoloq və etnik əlaqələr üzrə ekspert Sergey Markedonov erməni KİV-lərinə verdiyi müsahibəsində deyib ki, əvvəllər də belə bir vəziyyət olmasına baxmayaraq, “danışıqlar prosesində misli görünməmiş fəallıq” ifadəsi tez-tez istifadə olunur.
O qeyd edib ki, keçmişdə vəziyyət, təmas xəttində vəziyyətin gərginləşməsi ilə dəyişirdi.
“Bir münaqişəni öyrənərkən, bunun təmamilə müstəsna olduğunu və dünyada belə bir şey olmadığını düşünməməliyik. Ümumiyyətlə, mən dünyanın öz-özünə sülhün təminatçısı olmadığına dair təxribatçı bir şey deyə bilərəm. Məsələn, İrlandiyalı separatçılar Londona qarşı müharibə dövründə İrlandiyanın müstəqilliyini əldə etdikdən sonra İrlandiyada vətəndaş müharibəsi baş verdi. Dünənki tərəfdarlar bir-birləri ilə döyüşməyə başladılar, çünki Londonla müqaviləni xəyanət hesab etdilər. Möhtəşəm, sülh, istənilən hədəfə nail olmaq, İrlandiyanın cənub hissəsindən ingilislərin çıxarılması qələbə kimi görünürdü. Bəziləri üçün hətta şimal rayonları da azlıq edirdi və onlar oraya da getmələrinin lazım olduğunu söyləyərək, bunun nəticəsində daxili bir qarşıdurmaya yol açdılar”, - deyə Markedonov bildirib.
Markedonov yuxarıda qeyd edilən nümunəni misal gətirərək vurğulayıb ki, Ermənistan Baş naziri Nikol Paşinyanın və ya bir başqasının, yaxud Azərbaycan prezidenti İlham Əliyevin sabah yenilənmiş bir super Minsk razılaşması imzalayacağını kimlər düşünürsə, bu o demək deyil ki, sabah həmin ölkənin daxilində sabitlik olacaq və cəmiyyətlər bunu qələbə kimi qəbul edəcək.
“Belə bir vəziyyətdə Moskva nə etməlidir? Proseslərin öz fəaliyyəti nəzarətindən çıxmaması, eyni zamanda bu prosesi tezləşdirməməyi müşahidə etməlidir. Maraqlıdır ki, artıq Sergey Lavrov iki ildir ki, eyni tezisi deyir, tələsməyin. Qarşılıqlı güzəşt həlli olmadığına görə tələsmək olmaz”, - deyə o əlavə edib.
Siyasi analitik, həmçinin Ermənistan hakimiyyətinə qarşı erməni cəmiyyətinin Rusiya ilə münasibətdə həddindən artıq uyğunlaşma davranış tərzi sərgiləməsi ittihamına da münasibət bildirib. O, eyni ittihamın köhnə hakimiyyət dövründə də olduğunu, yeni hakimiyyətin isə qatardan qabaq qaçmaqla Suriyada Rusiya ilə geosiyasi sadiqliq nümayiş etdirilməsində ittiham edildiyini bildirib və bütün bunlara hakimiyyət-müxalifət kontekstindən yanaşdığını vurğulayıb.
Rusiyalı olmasına baxmayaraq, hazırda Rusiya vətəndaşı kimi çıxış etmədiyini bildirən Markedonov qeyd edib ki, Ermənistanın Rusiyadan asılılığı daha da artacaq. Buna səbəb isə dünyada müxtəlif çəki kateqoriyasında Rusiyanın daha böyük və daha çox rol oynamasıdır.
