Bu gün günorta saatlarında Salyan şəhəri, T.Xəlilbəyli küçəsi 206-da yerləşən 4 otaqlı ev yanıb.
Virtualaz.org-un Şirvan bürosunun hadisə yerindən verdiyi məlumata görə, 78 yaşlı Telman Qubad oğlu Cəbrayılova məxsus 2 mərtəbəli evdə qəfil yanğın baş verib. Hadisə nəticəsində evin 2-ci mərtəbəsində yerləşən bütün otaqları alov bürüyüb.
Yanğın yerinə FNH-in 4 yanğınsöndürən maşını gəlib. Yanğınsöndürənlər yanğını lokallaşdıraraq alovun qonşu evə keçməsinin qarşısını alıblar.
Hələlik qəflətən baş vermiş yanğının hansı səbəbdən meydana gəldiyi barədə məlumat yoxdur.
Faktla bağlı araşdırma aparılır.
